今次粒粒玲子好開心得到 U travel 推薦俾日本九州大分觀光協會，為大分縣作旅遊推廣。被安排第一日既行程已經好特别~全景溫泉旅館+河畔船屋晚餐+古代鵜鳥捕魚表演+勁過幻彩詠香江既煙花
不過都係最基本野開始介紹先，就係機票喇，到福岡可選擇撘日航、港龍、香港快運，靚機時間就不能玩得盡，大分工作人員三浦先生為咗粒粒玲子可以盡慶所以選擇咗超早機去晚機返既香港快運 ~
05AUG UO 香港HKG 0745 - 福岡FUK 1205
08AUG UO 福岡FUK 1815 - 香港HKG 2045
每人HK$3,536 + TAX$232
(已包30kg Baggage + Sweet Seat)
落機到福岡機場大堂就見到三浦先生一家來接機，見到2位小朋友感覺好親切，好似去探老朋友咁，無咗去工幹既感覺 :)
到TIMES取車後，立即展開自駕之旅
福岡租車：(右軚)
Toyota Fielder - 自動波
05AUG 取車地點 : 福岡空港店
08AUG 還車地點 : 福岡空港店
4天連導航器總共JPY 28,620
(以上價格是在網上估計，只供參考)
http://www.timescar-rental.hk/
由福岡機場前往日田市需時約1小時車程，用GPS可按入以下電話0973-22-3957到豆田西駐車場。日田市內的豆田町老街有小京都之稱，完整保留江戶時代所建的傳統老街，有傳統的和果屋、白壁土藏的建築，彷彿進入咗時光隧道一樣。
建議在這裡逗留2~3小時，細味每個角街
咖啡談議所 嶋屋位於大分縣日田市豆田町10-8，由150前的商店改建而成的茶坊，留有皇室領地的痕跡，瀰漫悠久氣氛的豆田町。一邊享受悠閒舒適的日式風情，一邊放輕地享受美好的咖啡時間。
呢間店除咗有歷史價值外，老闆還在漫畫出現過架
九州因地理及氣候環境造就出純淨天然水質,因此自古便是釀酒勝地,薫長酒造位於大分県日田市豆田町6-31 ，是在江戶時代建造的酒倉，為收藏日本酒的歷史與製法的資料館，也備有咖啡店・畫廊，藏元店內有販賣限定商品！
有無看到酒倉前有個草球，如果有新酒上市就會掛一個新鮮綠色既草波波，到時記住去睇下新貨啊！
日田是日本較早時在江戶時代已經開始女兒節活動＜天領雛御殿＞內約有3,000人偶展示，除女兒節人偶，還有約250年前的武士甲冑、博多山笠等展品。
地址：大分県日田市豆田町13-6
創業於明治二十四年的赤司日田羊羹，位於大分県日田市豆田町8-15，喜歡羊羹既話一定要黎試試
無論真文青或偽文青，唔捨得咁快離開日田市豆田町的話，可以係呢間創業於明治3年(1870年)木造建築既酒店沾沾更多文氣
伯亭 若の屋
1名様/1室料金¥16,000起(税込)
〒877-0005大分県日田市豆田町7-31
TEL：0973-24-3737
今晚粒粒玲子被安排到隈地區既旅館，旅館街道後面既河流三隈川有屋形船，記住住呢度要選擇有~鵜飼+屋形船+朝夕食+温泉+和屋就大滿足喇！客人更可無料穿著浴衣
小京都の湯 みくまホテル Hita city Hotel Mikuma
2名様/鵜飼+屋形船+朝夕食+温泉+和屋+浴衣+wifi+泊車 料金￥25,920起(税込)
〒877-0044大分県日田市隈1丁目3-19
電話：0973-23-3000
酒店後面就是三隈川，客人大約6:50pm在酒店大堂集合後就一同登船享受晚餐
晚宴是當地日田既特產，有烤香魚及多道菜式的懷石料理，原本美景加美食已很滿足，估不到之後還有下面既節目安排
在屋形船晚飯期間，看到有400年歷史既鸕鶿捕魚絶技（日語稱鵜飼Ukai），啲鵜真係好乖乖又可愛。
如果想欣賞埋煙花，記住在7~8月份既星期五或六晚先能看到啊~
沒有留言:
張貼留言