選擇旅行喼行李箱有咩守則！耐用? 好用? 其他注意事項?

去了咁多次旅行，從用家身分分享一下選擇旅行喼有咩注意事項

1.  一般航空公司經濟艙行李限重20kg，所以先找一個較輕既行李箱，記得以前買一個喼返黎未裝野淨重都8kg，所以選購時可留意有無「超輕」、「輕量化」字眼，或自己用手量下重量是否太重

2. 去旅行會行好多不同既路，一個好既 轆 / 輪子係好重要，要順暢又可人360度旋轉，最好選擇八個轆，因為玲子試過其中一個轆難咗，成個旅程都很難行啊~

3. 硬喼 VS 軟喼

各有各既優點同缺點， 軟喼較輕，容量較有彈性，但比較容易壓爛東西； 硬喼雖然重啲，但放野入去會安全點，你都唔想啲手信爛咗吧~ 不過如果你係2個人去旅行，可以一個 硬喼 + 一個 軟喼，重要野放硬喼，其他野放軟喼就最正喇~

4. 一個大喼 + 一個手提行李喼 (有些航空公司如芬蘭航空規定免費寄艙行李限額只有1件)

市面上有些參考提供唔同旅行天數就用不同尺寸既旅行喼，香港寸金尺土，唔好諗咁多，買一個大喼+一個手提行李喼就最安全好，如果你個大喼一過重，就要將最重既野放哂入手提行李喼內，呢招救過玲子幾次命

以下係各大旅行社手提行李尺寸要求

http://spain-holidays-advisor.com/cabin-luggage/

香港最常坐既國泰航空要求尺寸為56 x 36 x 23cm，重量最重為 7kg

5.  有無試過望住行李輸送帶送行李出黎時，覺得個個都似自己個行李？所以取安全就係行李上加上獨特既記號，方便自己確認

6. 自從美國911事件後，好多國家對行李箱既檢查嚴格咗。如果擔心自己上鎖既喼被強行破壞接受檢查，咁你可以選用TSA海關鎖，因為呢類海關鎖可以比海關人員使用專業鑰匙做開啟，唔會破壞倒你本身個鎖。不過粒粒玲子暫時都無買呢類型既喼，亦未被破壞過，大家看自己需要吧~

旅行小知識：

1. 寄艙行李內唔可以放以下物品
列出一些你可能無留意的吧~

• 易燃固體，如隨處可擦著的火柴及容易燃點的物件；
• 腐蝕性物質，如水銀 (藏於溫度計或血壓計內)及濕電池；
• 充氣物品包括運動用之充氣球類用品，如籃球等，除非該等物品經已洩氣，否則均不准帶入機艙內。
• 流動電話、相機、手錶、流動音樂播放器及大部份手提電腦使用的備用小型鋰電池

鋰電池存放不當可能起火並產生危險，建議放於手提行李中。

2. 手提行李 或 隨身 不可帶以下物品

任何類型的剪刀、金屬製的指甲銼、剪刀、鑷子等。如發現攜帶任何以上物品於手提行李內，機場保安人員將充公有關物品，不獲發還。

 

3. 乘搭國際航線出發及轉機之旅客 於手提行李內攜帶液體、凝膠狀物體及壓縮氣體之限制
更多詳情細則請瀏覽以下網址
http://downloads.cathaypacific.com/cx/lags/LAG_leaflet.pdf

4. 所有乘客除手提行李限額，另可免費攜帶以下物件登機：一個小型手袋/背包/公事包/手提電腦公事包 ~ 所以如寄艙行李超重，你還可以將最重既物件放入背包，可慳返啲超重行李費

5. 行李寄艙後果張條碼紙條係你行李既身分証，請好好保存到你攞返行李為止，因為有咩事都係靠佢追蹤返你件行李

6. 行李箱在拖運過程中壞掉是可以索賠的。若發現行李箱在託運過程中故障，可以到行李託運申訴中心，向航空公司索賠喔！

更多詳情可到以下網址參考
http://www.cathaypacific.com/cx/zh_HK/travel-information/baggage.html