2014-01-03

日常開支變里數 精明師奶圓旅遊夢 ~ 2014-01-03 晴報


玲子曾接受過幾位記者訪問,但Dolphin像朋友一樣真的很用心,文章完全能表達粒粒玲子的生活態度,thanks Dolphin^^

日常開支變里數 精明師奶圓旅遊夢
2014-01-03
不少人視環遊世界為夢,家庭月入三萬多元的師奶仔玲子,靠儲里數,三十出頭已遊遍三十多國逾百城市。以「慳到底」自居,但精明不代表要犧牲生活質素,她一樣會吃過千元的法國菜、住三千元的酒店,最緊要用得其所。

「不用花錢都可去旅行,感覺好正!」任行政文員的玲子與很多人一樣視旅行為夢。大學留學澳洲,她已東岸西岸兩邊走,回港後不甘做個平凡OL,試過入職旅行社、做機場地勤,可恨兩份工都沒帶給她旅遊的感覺。「以我和丈夫的能力,每年只能去一、兩次旅行,若機票免費,成本便能急降,所以我用很多時間做調查。」零五年小妮子發現信用卡可儲里數,開始將日常開支「里數化」。

為了旅行,師奶可去到幾盡?玲子就花了大半年熟讀各張信用卡的積分里數兌換率,現在哪張卡有甚麼迎新優惠、海外簽帳積分計算方法、哪間商戶送額外里數,玲子都一清二楚。一般人聽見「頭都大」,玲子卻笑說:「當你好想要一樣嘢,沒甚麼可煩到你。」


不怕麻煩 善用一分一毫


零七年玲子初嘗成功,換到兩張台北機票;兩年後,她以信用卡繳付二十多萬元結婚開支,用積分兌換里數,免費去英國及希臘度蜜月。「這些錢本身都要花,旅行是bonus,我會善用一分一毫做最多的事。」

八年來動用六十多萬里換過十餘張機票,見聞之多令人羨慕不已。然而想學玲子四處飛,還得問自己是否有耐性。「里數公司個電話其實好難打,電郵起碼兩日先覆,試過想出張一星期後的機票,卻聯絡不上里數公司,最終要延遲出發。幸好我和丈夫都容易請假,如果限死某日起行,一定去唔到。」

雖面對不少限制,玲子卻甘於接受「遊戲規則」:「世上沒免費午餐,只是煩少少、用多點時間就可免費旅行喎!可能我做開秘書工作,老細要求甚麼,幾煩也要做到,訓練我習慣做繁瑣的事,只要定下目標,無論有幾煩,我知道繼續問一定解決到,得或唔得都有個答案。」

記者笑指鍥而不捨儲里數的玲子是「慳妹」,她卻回話:「我都會用貴嘢!」舉例她一樣用貴價化粧品、吃過千元的法國菜、豪花三千多元住特色酒店,「我不會辛苦自己,應使則使,值得試的我都願花。」


信用卡理財 月儲4000里


以網名「粒粒玲子」撰寫旅遊博客的玲子自言,每年外遊四次,三次由里數兌換。其格言是:「可碌卡的地方就碌卡,其次是八達通,因它由信用卡自動增值,同樣可儲分。」現時她憑六張信用卡處理兩口子萬餘元開支,每月輕鬆賺4,000里,不消八個月便儲夠32,000里,可換兩張台灣機票。此外她會主動幫朋友碌卡繳費,外遊時不忘到特賣場掃名牌到網上轉售,「即使平手出讓也可賺積分。」

她自稱是「休息主義者」,求職會盡量找易請假的五日工,任性基於無供樓負擔及有個公務員丈夫支撑。

攝影:冼偉倫
記者:周藹文

19 則留言:

  1. 你好~請問會唔會知用am換既機票係咪冇得揀位同網上check in 架??
    因為第一次換同埋只係換回程既機票 , 所以想係去之前了解清楚

    回覆刪除
    回覆
    1. 有的,同一般機票一樣可以係網上check in 同揀位的~

      刪除
    2. thank you for your reply ^^ , 我都努力儲am黎圓旅遊夢 , 加油啊!!!

      正價買同用am換既都係48小時前就可以check & 揀 ??(因為正價果張買完就已經有得揀)

      另外呢...亦因為1張買1張換 , e ticket 分別係cx 同 ka 的 , 咁其實我地應該去cx 定ka 度網上check in 呢 ??
      (班機係ka)

      刪除
    3. yes,正價買同用am換既都係48小時前就可以check & 揀 ~ 如航班係KA就去KA那邊check in吧~不過我估兩邊都可以check in的^^

      刪除
    4. THANK UO VERY MUCH !!

      刪除
  2. U magazine 都轉載了,勁

    回覆刪除
    回覆
    1. YAHOO 港聞也有轉載, 比我平時寫既BLOG更多留言,雖然全部都係負面既留言,不過估不到回響也不少XDXDXD ~
      http://hk.news.yahoo.com/%E5%B0%88%E9%A1%8C-%E6%97%A5%E5%B8%B8%E9%96%8B%E6%94%AF%E8%AE%8A%E9%87%8C%E6%95%B8-%E7%B2%BE%E6%98%8E%E5%B8%AB%E5%A5%B6%E5%9C%93%E6%97%85%E9%81%8A%E5%A4%A2-224625137.html

      刪除
    2. 其實.....我都唔明點解班人會咁操底?.....佢地又講到你咁有錢,老實講有錢就唔洗出黎打工啦,有錢都唔止一年去四次旅行啦,有錢仲洗儲里數咩!咁唔通你無供樓負擔同有個公務員老公係你既錯?我反而會覺得你係有個優勢可以無咁重負擔去旅行,每個人都會有唔同既優勢,雖然我無好似你咁既公務員老公同無供樓負擔,但我有途徑可以每個月儲多d積分,我2013去四次旅行有三次都係用里數換,咁我又唔岩?我本身只係月入一萬多dd既打工仔!同埋唔好講到我地呢d儲積分好易,我地都有付出架,咁多張卡張張卡條款都唔一樣,你又要記著邊張卡打邊張卡找數,宜家講緊唔係一,兩個月既事,係每個月既事!話明信用卡就係想你洗未來錢,如果我地理財得唔好我地咁多張卡出事時仲大穫!雖然係好麻煩但我從來都無怨過,我好認同你,本身d錢係咪都要洗點解唔好好運用張信用卡得到額外獎賞去旅行?本身自己咁鐘意去旅行,儲積分換機票減低旅行cost何樂而不為?同埋你由始至終都無慫恿過人去碌卡,你只係道出左碌卡既一種好處,碌唔碌卡同碌完有無能力還係由個人自己決定!每個人生活方式唔一樣,你只係揀左儲里數去enjoy your life,其他人可以唔認同,但都唔好攻擊人!
      (唔好意思打到有d長同嬲嬲地,因為真係忍唔住!)

      刪除
    3. 。廷芝。多謝你,你完全講咗我既心聲,其他人點諗無人可以控制倒,呢個係自由社會麻~有你地明白我就夠了,一齊繼續努力儲里數,去多啲旅行,個人開心啲,正能量都多啲^^

      刪除
  3. yahoo好多負面留言的,少看為妙~~~ 而且一樣米養百樣人,總有反對你的亦有支持你的人,不用太介懷別人的說話,繼續一起努力儲里數呢~~~

    回覆刪除
    回覆
    1. yes, 一樣米養百樣人, 一齊繼續努力儲里數,去多啲旅行,個人開心啲,正能量都多啲^^

      刪除
  4. 玲子唔知你仲記唔記得我呢^^ 我琴日見你上報, 睇埋篇野寫你一年去幾次旅行多得有公務員老公backup我就心感不妙啦.. 有時真係人怕出名豬怕肥. 你既上報紙純為分享, 但有好多人有紅眼症又反社會, 有好多反應真係冇法控制架..希望你唔好比果D人hurt 到啦!

    回覆刪除
    回覆
    1. 哈哈,我其實比好多人幸運,就算有公務員老公,也唔一定有同一個價值觀啊^^希望香港人可以多點正能量,個人開心啲,身體都好啲^0^

      刪除
  5. Lings, in the table, the average dollar spent per mile is $3.75. Can I say if any card can offer lower this price. It's worth to apply? if yes, which card should v apply? thx

    回覆刪除
    回覆
    1. 無一張咭可以係所有情況下都可賺取$3.75 per mile,係要係唔同情況下某一張先能做到比較低價錢,所以先要熟讀每張咭既優點啊~

      刪除
  6. 家庭月入三萬多元點申請到Citibank PremierMiles信用卡?佢要求每年收入須達HK480,000或以上......

    回覆刪除
    回覆
    1. 我係N年前初初推廣呢張咭時已經出了,果時好多人得一萬蚊人工都可以出到啊~不過一向申請信用咭都唔理會年薪,交咗表格先算,佢唔批時先再考慮其他咭吧^^

      刪除
  7. 好多人唔了解遊戲規則但又冇好好做功課,得不到如期望嘅結果就會話受騙。又有人根本對出埠旅遊沒有興趣,但又會作出反對儲里數嘅言論⋯⋯算吧啦,我們知就得啦!大家繼續努力,少啲人爭更好。

    回覆刪除
    回覆
    1. 就留待真正喜歡去旅遊的人發掘這遊戲的好處吧~你講講下其實真係可以出個GAME去教人儲里數XDXDXD

      刪除