天堂與地獄~外星冰島遊(二)~Iceland

冰島早餐以凍肉、烚蛋、麵包、生果及乳酪為主，冰島既乳酪香滑鮮甜，無咗粒粒唔喜歡既酸味，如果可以買返黎香港做手信就好了.......

由香港出發前睇過天氣預報會天陰落雨，所以粒粒見到有少少陽光都唔放過，立即影返幾張相，呢張相好似去緊天堂咁

去Jokulsarlon時經過幾個冰川，膽粗粗咁揸架車去睇下，由於Svinafellsjokull遠離主要景點既路比較凹凸不平，粒粒玲子奉勸大家，如無能力租四驅車的話，請盡量安排行程係環繞1號公路

上面個牌寫住入去要有專業人士帶，又話水溫勁凍，會導致心臟停止等，比佢嚇完一輪原來呢度已經封咗，入口重有二個紀念碑紀念2名行冰川過世既人士，所以粒粒玲子只係入口影咗幾張相就走~

途中見倒彩虹 ~ 粒粒版

彩虹 ~ 寫實版

終於到咗Jokulsarlon，真係超靚

玲子無試啲天然千年冰，但係Jokulsarlon慢步細遊，欣賞浮冰浮遊、海鷗傲遊天際，彷彿處身於天堂

第三晚住了近Egilsstaoir既Reydarfjoerdur鎮，期望住啲偏離大城市既鎮，光害少啲，睇北極光既機會會大啲，往Reydarfjoerdur鎮既路途風光明媚

Taergesen guest house位於古鎮，現時城鎮有點工業化，但房間乾淨，景觀不錯，免費wifi，包早餐Double Room (share bathroom) 12,000ISK / HK$840

呢間Guest house既餐廳有好多本地人黎食Pizza飲beer，粒粒玲子都係度食埋晚餐，呢個dinner價錢約HK$350

食完飯先9pm重未天黑，係窗前期待黑夜既來臨

係11pm出門約2分鐘車程無光害既路邊，粒粒玲子睇度傳說中既北極光呀

天堂與地獄~外星冰島遊(一)~Iceland

天堂與地獄~外星冰島遊(三)~Iceland