第八次台灣之旅~宜蘭+花蓮(一)

回顧2010年粒粒玲子去了幾個短trip，所以係2011年頭plan了3月尾去冰島睇北極光，可惜亞洲萬里通回覆話根本佢地無任何聯營航班去冰島到2月中粒粒就話佢2月尾有幾日假超級想去旅行，所以今次係粒粒玲子最型既一次，話去就去，只係用咗一個星期既時間搜集資料、換機票、訂車、訂民宿，就去咗從未去過既宜蘭+花蓮

用有限既時間資料搜集得知，係台北機場租車只有一間"和運租車-桃園大園站" https://www.easyrent.com.tw/ 係網上訂好車，4天租YARIS 1.5 價錢共NT$8250，當日攞完行李一出機場就打比和運，佢地就會揸架車黎接你去公司辦手續，去到先碌全數，可以賺倒信用咭海外積分，哈哈

由桃園到宜蘭大約須兩個鐘車程，不過咁早到宜蘭都無特別地方去，所以去咗三芝鄉大湘路(淡水上少少)睇櫻花，可惜櫻花已經SayoLALA了 ~

再過少少到咗石門鄉，呢度係粒粒玲子認為台灣最北點.............係無咩特別既

由石門再揸2個鐘頭車落宜蘭，粒粒玲子選擇咗係礁溪鄉倒住，因為可以浸溫泉呀講真，玲子對宜蘭最深印象就係溫泉+羅東夜市

星期六晚去到羅東夜市超級多人，呢檔三星卜肉好多好多好多人排隊，好在最後一日星期二去就正常返，佢地既卜肉好好食，但佢地既照燒皮蛋真係超好食，記住試啊
第二日經三星鄉去武陵農場，咁啱經過各大傳媒強力推薦既三星何家蔥餡餅，因為三星鄉最出名就係蔥，淨係假日先有得賣，何家蔥餡餅好狠架，佢地係用一個權頭咁多既蔥包落個粉餅度，啲人都買得好狠，玲子前面只係排咗3個人，但佢地買咗35個.........每個NT$25

三星鄉三星路八段2號 +886 932 292 584
去武陵農場途中聽到收音機話農場塞車到呼籲公衆唔好去，唉.......粒粒話咁多人去到都影唔倒相，就立即改行程由蘇花公路落花蓮，蘇花公路一路行一路都有標示到小心落石，見到都有啲驚驚地，不過一見到海+sunshine就咩都唔記得喇 !

台灣自架遊小知識：全台灣所有高速公路收費一樣係NT$40，到收費站時請選擇小車現金收費亭及預備輔幣，如果比大面額紙幣會當你買套票，你會用唔哂架！

另外某些泊車地區係需要收費，度度價錢不同，但收費唔貴(平均每個鐘約NT$10~NT$16)，重超方便，你只要泊底部車就會突然間有個人幫你PRINT張停車通知單，夠鐘就會返黎幫你填一格，到你走時去便利店付款就OK架喇 ~

第八次台灣之旅~宜蘭+花蓮(二)