情迷東歐 (一)

玲子係2003年到東歐旅遊，果年玲子同玲子既朋友無特定想去既地方，去到旅行社見東歐10天遊只需要大約$6000，係對東歐毫無概念下就決定報團 ~

遊過啲咩地方已經唔係好記得，最記得捷克既布拉格好靚，好寜靜，好希望可以同粒粒再遊此地！

布拉格舊市政廳 ~ 最受遊客歡迎既天文鐘。最外面代表12個月份，第二層以圖案表示12個星座。每到整點，天文鐘上方窗戶會開啟，一旁既死神開始鳴鐘，耶穌門徒係聖保羅帶領下一一移動現身，最後以雞啼及鐘響結束。

奧地利維也納 ~ 百水公寓 ~ 由設計師百水(Freidensreich Hundertwasser)制作作品，呢間公寓被維也納人稱為「古怪屋」或「保齡球木瓶房子」，以不規則線條區分，卻又奇異地整齊排列，每一層樓都油上唔同既顏色，加上大小不一既不規則窗戶 +頂樓有一個阿拉伯式既圓頂，簡直係廉租屋既極品！

維也納 ~ 莫扎特紀念像 ~ Wolfgang Amadeus Mozart 於1756年1月27日係羅馬帝國既薩爾斯堡出世，1791年12月5日於維也納逝世。莫札特係 35 歲英年早逝，呢個莫扎特紀念像應該就係以佢35歲時既英姿啊 ~

情迷東歐 (二)